Header Ads

මුත‍්‍රා කරන විට දරුවාන් හඩන්නේ මුත‍්‍රා ආසාදනය නිසාද? මෙන්න මේ කරුණු ටික ගැන මව් පියන් දැනුවත් වෙන්න.


මුත‍්‍රා කරන විට දරුවාන් හඩන්නේ මුත‍්‍රා ආසාදනය නිසාද? මෙන්න මේ කරුණු ටික ගැන මව්  පියන් දැනුවත් වෙන්න.
 

කුඩා දරුවන්ට ඇතිවන රෝග තත්ත්වයන් විමසා බැලූ විට සුලබව දැකිය හැකි තවත් එක් රෝගයක් වන්නේ මුත‍්‍රා ආසාදනයි.සාමාන්‍යයෙන් වයස අවුරුදු දෙක පමණ වන තුරු ගැහැනු දරුවන්ට වඩා පිරිමි දරුවන් අතර මුත‍්‍රා මාර්ගයේ රෝග ඇතිවීමක් දැකිය හැකියි. එසේ වුවත් වයසින් වැඩෙත්ම ගැහැනු දරුවන්ට මුත‍්‍රා මාර්ගයේ ආසාදන ඇතිවීමක් දක්නට පුළුවන්.කෙසේ වුවත් මුත‍්‍රා මාර්ගයේ ඇතිවන ආසාදන නොතකා සිටිය යුතු තත්ත්වයක් නොවේ. ළමා වියෙහිදීම එසේ මුත‍්‍රා කිරීමේදී වරකට මුත‍්‍රා බිංදු 2 ක් 3 ක් පමණක් යාම, වර්ධනය බාලවීම, නිතර වමනය යාම, ඇඳ නොතෙමන දරුවකු නැවත ඇඳ තෙමීමට පටන් ගැන්ම වැනි ලක්ෂණද මුත‍්‍රා මාර්ගයේ ආසාදනයක් වන බව හඳුනාගත හැකි ලක්ෂණ වෙයි.දරුවාගේ මුත‍්‍රා රසායනාගාර පරීක්ෂණයකට ලක් කිරීමෙන් මුත‍්‍රාශ‍්‍රයේ ආසාදනයක් වේද නොවේද යන්න පිළිබඳව නිශ්චය කර ගත හැකි අතර පිරිසුදු වීදුරු නලයකට හෝ බෝතලයකට මුත‍්‍ර ටිකක් දමා බැලුවහොත් මුත‍්‍රා වල වළාකුළු ආකාරයේ ස්වභාවයක් දක්නට හැකිවෙයි.
මුත‍්‍රා මාර්ගයේ ආසාදන ඇතිවන්නේ ඇයි?මුත‍්‍රා මාර්ගයට විසබීජ ඇතුල්වීම මුත‍්‍රා ආසාදන ඇතිවීමට හේතුවෙයි. එනම් මළ කොටස් තුළ වන විසබීජ මුත‍්‍රා මාර්ගයට ඇතුළුවීමයි. විශේෂයෙන්ම ගැහැනු දරුවන්ගේ ගුද මාර්ගය සහ මුත‍්‍රා මාර්ගය එකිනෙකට සමීපව පිහිටා ඇති නිසා මළපහ කොටස්වල වන විසබීජ වඩාත් පහසුවෙන් මුත‍්‍රා මාර්ගයට ඇතුළුවෙයි. මෙනිසා දරුවකු සෝදන විට වතුර සහිත බේසමක් තුළ හිඳුවා සේදීම වඩාත් සුදුසු වෙයි. එමගින් මුත‍්‍රා මාර්ගයට අසූචි ඇතුළුවීම වැළකී යයි. මෙවන් රෝග තත්ත්වයන්ට ප‍්‍රතිකාර නොකළහොත් එම දරුවන් වයසින් වැඩෙන විට අධි රුධිර පීඩනය වකුගඩු අකි‍්‍රයවීම වැනි තත්ත්වයන් ඇතිකරවීමටද මෙය මුල්විය හැකියි.දරුවාට මුත‍්‍රා ආසාදනයක් වන බව ඇතැම් විට හඳුනා ගැන්ම අපහසුවිය හැකියි. බොහෝ විට මෙවන් රෝග තත්ත්වයක්ද යන්න සමහර මවුවරුන් අනුමාන කරනු ලබන්නේ දරුවා මුත‍්‍රා කිරීමේදී හඬන විටයි.දරුවන් වඩාත් කුඩා අවදියේදී එනම් මාසයක් දෙකක් පමණ වන වයසේදී දරුවන් මුත‍්‍රා කිරීමට පෙර හඬයි. නමුත් මෙය මුත‍්‍රා මාර්ගයේ ආසාදනයක් ලෙසම සැලකිය යුතු දෙයක් නොවන අතර බොහෝ විට මෙය කුඩාම දරුවන් අතර දැකිය හැකි සාමාන්‍ය තත්ත්වයකි.මුත‍්‍රා ආසාදනයකින් දරුවා පෙළෙන්නේද යන්න හඳුනා ගත හැකි ලක්ෂණ නම් දරුවා මුත‍්‍රා කිරීමට පටන් ගෙන මඟදී හඬන්නටත් ටිකක් මුත‍්‍රා කර කෑ ගසා හඬා මුත‍්‍රා බිංදු දෙක තුනක් යවා නැවත හඬා ටිකෙක් ටික මුත‍්‍රා කරමින් හඬන්නේ නම් එය මුත‍්‍රා ආසාදනයක ලක්ෂණ ලෙස සැලකිය හැකියි.දවසට වැඩි වාර ගණනක් මුත‍්‍රා කිරීම මෙහිදී පිරිමි දරුවන් ගතහොත් ඔවුන්ට වැඩි වශයෙන් මුත‍්‍රා ආසාදන ඇතිවීමට හේතුව නම් මුත‍්‍රා මාර්ගයේ යම් තැනක උපතින්ම ඇතිවිය හැකි අවහිරතා නිසා මුත‍්‍රා එක්රැස් වී පල්වීමයි.සමහරුන්ගේ වන පිළිගැනීමක් නම් ඇතැයි සැර ආහාර වර්ග නිසා මුත‍්‍රා ආසාදන ඇතිවිය හැකි බවයි. නමුත් එය පිළිගත හැකි දෙයක් නොවේ. මේ නිසා දරුවන්ට සමහර ආහාර වර්ග නොදී සිටින අවස්ථාවන්ද දක්නට ලැබෙයි. නමුත් මෙහිදී කිව යුත්තේ එවන් දරුවන්ට සාමාන්‍ය පරිදි ආහාරපාන දිය යුතු බවයි. මුත‍්‍රා මාර්ගයේ ආසාදන ඇති දරුවන්ට වැඩිපුර පාන වර්ග ලබා දිය යුතු අතර මළ බද්ධය ඇතිවීම වළක්වා ලීමට පලාවර්ග සහ පලතුරු වර්ග ඔවුන්ගේ ආහාරයට එක්කළ යුතුයි.මේ අතරතුරදී ඔවුන්ගේ රෝග තත්ත්වය සුව අතට හැරෙන තෙක් වෛද්‍ය ප‍්‍රතිකාර නිසියාකාරව ලබාදීම වඩාත් වැදගත් කොට සැලකිය යුතුයි.

වෛද්‍ය සඟරාවක් ඇසුරිනි මංජුලා මල්කාන්ති


අතර්ජාලයෙන් උපුටා ගැනීමකි



No comments:

Powered by Blogger.